Kaliforniyada şiddətli daşqınlar baş verdi
Aramsız yağan güclü yağışlar Kaliforniyanın şimalında genişmiqyaslı daşqınlara səbəb olub.
TodayPress TV xəbər verir ki, bu barədə "ABC News" məlumat yayıb.
Bildirilib ki, çayların daşması nəticəsində insanlar evlərdə və avtomobillərdə köməksiz vəziyyətdə qalıblar. Daşqın altında qalan avtomobildə olan şəxslərdən biri təcili yardım xidmətlərinə zəng edib. Polis həmin şəxsi sudan çıxarmağa müvəffəq olsa da, onun həyatını xilas etmək mümkün olmayıb.
Məlumata görə, ümumilikdə 30 milyon insan potensial təhlükəli ərazilərdə yaşayır.
Qeyd edək ki, dekabrın 23-də Fransanın cənubunda baş verən daşqınlarla əlaqədar olaraq ölkə hakimiyyəti Herault departamentində ən yüksək hava təhlükəsi səviyyəsini elan edib.
Aysel Mətləb
