ABŞ Hərbi Dəniz Qüvvələri Hind okeanında İrana məxsus neft tankerini saxladı
ABŞ Hərbi Dəniz Qüvvələri Hind okeanında ABŞ sanksiyaları altında olan İrana məxsus “M/T Tifani” neft tankerini saxlayıb.
TodayPress TV xəbər verir ki, bu barədə ABŞ-nin Hind-Sakit Okean Komandanlığı (INDOPACOM) məlumat yayıb.
"ABŞ qüvvələri “INDOPACOM”un məsuliyyət zonasında sanksiyalı “M/T Tifani” tankerini ələ keçirmək və gəmiyə mindirmək üçün dəniz əməliyyatı keçirib. Biz qanunsuz şəbəkələri dağıtmaq və İrana maddi dəstək verən sanksiyalı gəmiləri harada fəaliyyət göstərməsindən asılı olmayaraq dayandırmaq üçün qlobal dəniz hüquq-mühafizə səylərini davam etdirəcəyik", - deyə bəyanatda bildirilib.
“MarineTraffic”in məlumatına görə, ABŞ ordusu tərəfindən Hind okeanında saxlanılan 300.000 ton xam neft daşıyan tanker Şri-Lankanın təxminən 700 kilometr cənub-şərqində mövqeyini ötürür. Tanker İrandan Sinqapura gedirdi.
Aysel Mətləb
