ABŞ-də faciə: Strateji bombardmançı qəzaya uğradı, 8 nəfər həlak oldu - VİDEO

ABŞ Hərbi Hava Qüvvələrinə məxsus "B-52 Stratofortress" bombardmançı təyyarəsi Kaliforniyadakı "Edwards" hərbi bazasında qəzaya uğrayıb.

TodayPress TV xəbər verir ki, məlumata görə, təyyarə 15 iyun tarixində adi sınaq uçuşu zamanı havaya qalxdıqdan qısa müddət sonra yerə düşüb.

Qəza nəticəsində təyyarədə olan 8 nəfərin hamısı həlak olub. Hadisədən sonra ərazidə güclü yanğın baş verib.

Həlak olanlar arasında hərbçilər, dövlət qulluqçuları və podratçı şirkət əməkdaşları olub. Bildirilir ki, təyyarə radar modernləşdirmə proqramı çərçivəsində sınaq missiyası yerinə yetirirdi.

ABŞ Hərbi Hava Qüvvələri qəzanın səbəblərini araşdırmaq üçün xüsusi komissiya yaradıb.

1950-ci illərdən xidmətdə olan "B-52" təyyarələri ABŞ-nin strateji bombardmançı donanmasının əsas hissələrindən biri hesab olunur və hazırda da modernləşdirilərək istifadə edilir.

Türkan İsgəndərli