Məşhur Armani parfümlərinin yaradıcısı vəfat etdi
İtaliyanın tanınmış moda dizayneri Corcio Armani 91 yaşında dünyasını dəyişib.
TodayPress TV xəbər verir ki, bu barədə "France 24" məlumat yayıb.
O, dəb sənayesində yaratdığı özünəməxsus üslubu ilə beynəlxalq miqyasda tanınaraq XX və XXI əsrin ən təsirli moda simalarından biri hesab olunurdu.
Armani həmçinin yaratdığı "Armani" brendi ilə geyim, aksesuar, ətir və interyer dizaynında qlobal trendlərə yön verib. Onun sadəliklə zərifliyi birləşdirən dəst-xətti “italyan dəbinin imzası” kimi dəyərləndirilirdi.
Dizaynerin ölüm xəbəri dünya dəb ictimaiyyətində böyük kədər doğurub. Onun mirası yalnız moda sahəsində deyil, həm də sənət və biznes dünyasında uzun illər xatırlanacaq.
Töhfə Səməd
