İqbal Ağazadə Cabir İmanov haqda etdiyi çıxışa AYDINLIQ GƏTİRDİ
Ümid Partiyasının sədri İqbal Ağazadə illər əvvəl Əməkdar artist Cabir İmanov haqda etdiyi çıxışının yenidən gündəmə gəlməsindən narahatlığını bildirib.
Partiya sədri bu barədə TodayPress TV-yə danışıb.
“Dünən əməkdar artist “Şən və Hazır Cavablar” kulubunun istedadlı aktyoru Cabir İmanov vaxtsız dünyasını dəyişdi. Cabir İmanovun ailəsinə, yaxınlarına, onu sevənlərə dərin hüzünlə baş sağlığı verirəm. Qəbrin nurla dolsun, Allah rəhmət eləsin. 2018-ci ildə mərhum Cabir İmanov haqqında bir çıxışım var. Çox təəssüf ki, o çıxışı bu gün sosial şəbəkə istifadəçiləri yenidən paylaşırlar. Olanlar acı bir tarixdir, lakin gənc yaşında dünyasını dəyişmiş istedadlı aktyorun ölüm günü belə hadisələri xatırlamaq məqsədəuyğun və etik deyil. Allah Cabir İmanova rəhmət eləsin. Mən heç zaman vəzifədən çıxarılan kiminsə arxasınca danışmamışam. Kresloda olarkən irad və tənqidlərimi açıq bildirmişəm. Dünyasını dəyişənlərə isə yalnız rəhmət diləyirəm. Nəinki ölümündən sonra nəsə danışmaq. Allah bir daha dünyasını dəyişən Cabir İmanova rəhmət eləsin!”, - deyə o bəyan edib.
Nicat Osman
