Fotoqraflar “Azərbaycan milli mətbuatının 150 illiyi” yubiley medalı ilə təltif olundu

25.12.2025 13:00 Cəmiyyət

Azərbaycan Milli Mətbuatının 150 illiyi münasibətilə ölkədə fəaliyyət göstərən media nümayəndələri “Azərbaycan milli mətbuatının 150 illiyi (1875-2025)” yubiley medalı ilə təltif olunub.

TodayPress TV xəbər verir ki, Milli mətbuatın inkişafında xidmətləri olan şəxslər, o cümlədən jurnalistika və fotojurnalistika sahəsində fəaliyyət göstərənlər bu mükafata layiq görülüblər.

Sevindirici haldır ki, mükafat alanlar sırasında illərini fotojurnalisikaya sərf edən 15 fotoqrafın adı da var. Fotoqrafiya və fotojurnalistika tarixində ilk dəfə olaraq kollektiv şəkildə bu sayda şəxsə dövlət təltifi təqdim olunur. Bu fakt, milli mətbuatın inkişafında fotoqrafiyanın xüsusi roluna və yaradıcı insanların əməyinə verilən dəyərin göstəricisidir.

Təltif edilənlər sırasında 10 nəfər Azərbaycan Fotoqrafiya Federasiyası və “Gilavar Foto Klubu” ictimai birliyinin rəhbər heyəti və üzvləri də yer alıb.

Qeyd edək ki, “Azərbaycan milli mətbuatının 150 illiyi (1875-2025)” yubiley medalı Azərbaycan Respublikası Prezidentinin 20 fevral 2025-ci il tarixli Fərmanı ilə təsis edilib. Medallar KİV nümayəndələrinə Medianın İnkişafı Agentliyi tərəfindən təqdim edilib.

Mükafat alan fotoqraf və fotomüxbirlərin siyahısı:

Abbasov Allahkərim Adil oğlu

Abbasov Elnur Cavanşir oğlu

Babayev Tofiq Hicran oğlu

Bəybalayev Bəybala Nuhbala oğlu

Cəfərov İlqar Şaban oğlu

Əzimov Orxan Etibar oğlu

Xanlarov Vüqar Aslan oğlu

İbadov Vüqar Fəxrəddin oğlu

Mahmudlu Famil Vidadi oğlu

Mehdiyev Rəşad Azad oğlu

Nəcəfov Dilavər Ədalət oğlu