ABŞ İrandan öhdəlik tələb edir: "Kommersiya gəmilərinə atəş açılmamalıdır"
Gəmi hərəkətinin bərpası üçün Hörmüz boğazı minalardan təmizlənməli və kommersiya gəmilərinin təhlükəsiz keçidi təmin edilməlidir.
TodayPress TV xəbər verir ki, bu barədə ABŞ vitse-prezidenti Cey Di Vens “Fox News”a müsahibəsində danışıb.
"Son bir həftə ərzində iranlılar və Körfəz ölkələri, xüsusilə Oman, gəmi hərəkətinin təhlükəsizliyini necə təmin etmək barədə danışıqlar aparırlar. Əlbəttə, problem ondadır ki, iranlılar müharibənin əvvəlində çox sayda mina yerləşdiriblər. Buna görə də hazırda üzərində işlədiyimiz əsas məsələ gəmilərin təhlükəsiz şəkildə keçə bilməsi üçün faktiki olaraq necə bir hərəkət sxeminin yaradılmasıdır. Buraya, əlbəttə, minaların təmizlənməsi də daxildir", - deyə Vens əlavə edib.
O, həmçinin qeyd edib ki, ABŞ İrandan kommersiya gəmilərinə atəş açmayacağına dair öhdəlik tələb edir.
Aysel Mətləb
