Ukrayna-Azərbaycan Biznes Şurasının birgə onlayn iclası keçirildi
Ukrayna və Azərbaycan yenilənmiş biznes Şurasının onlayn iclasını keçirib.
TodayPress TV xəbər verir ki, bu barədə Ukraynanın Azərbaycandakı səfiri Yuri Qusev sosial şəbəkə hesabında məlumat yayıb.
"Ukraynanın Ticarət və Sənaye Palatası və Azərbaycanın Kiçik və Orta Biznesin İnkişafı Agentliyi (KOBİA) dekabrın 9-da yenilənmiş Ukrayna-Azərbaycan Biznes Şurasının birgə onlayn iclasını keçirib",- deyə o yazıb.
Diplomat tərəfdaşlara davamlı dəstəyinə görə təşəkkürünü bildirib və tərəflərin ticarət, investisiya, iqtisadi inkişaf üçün yeni imkanları birgə təşviq etdiyini vurğulayıb.
