Zelenski Trampla görüşdü, Rusiya Kiyevi vurdu
Rusiya qüvvələri Ukraynanın paytaxtı Kiyevə raket hücumu həyata keçirib.
TodayPress TV xəbər verir ki, bu barədə "Reuters" məlumat yayıb.
Məlumata görə, hücum Ukrayna Prezidenti Volodimir Zelenski ilə ABŞ Prezidenti Donald Tramp və Avropa liderləri arasında keçirilən danışıqlardan bir neçə saat sonra baş verib.
Kiyevdə partlayış səsləri eşidilib, şəhərdə hava həyəcanı elan olunub. Sumı şəhərində isə pilotsuz uçuş aparatının hücumu nəticəsində bir nəfərin öldüyü bildirilib.
Kiyev Şəhər Hərbi Administrasiyasının rəhbəri Timur Tkaçenko paytaxtın ballistik raketlərlə hədəfə alındığını açıqlayıb və sakinləri təhlükəsiz yerlərdə qalmağa çağırıb.
Qeyd edək ki, bu, Rusiyanın cari həftə ərzində Kiyevə ikinci hava hücumudur. 15 iyunda baş verən genişmiqyaslı hücum nəticəsində 10 nəfər həyatını itirmişdi.
Türkan İsgəndərli
