"X" 139 milyon dollar cərimələndi
Avropa Komissiyası "X" sosial şəbəkəsini Rəqəmsal Xidmətlər Aktını (DSA) pozduğuna görə 120 milyon avro (139,5 milyon ABŞ dolları) cərimələyib.
TodayPress TV xəbər verir ki, bu barədə Komissiyanın sözçüsü Tomas Rainier Brüsseldə keçirilən brifinqdə məlumat verib.
Bu, DSA-nın pozulmasına görə tətbiq olunan ilk cərimədir. DSA onlayn platformalar üçün vahid qaydalar müəyyən edir və onları təhlükəsiz rəqəmsal mühit yaratmağa, qeyri-qanuni məzmunla mübarizə aparmağa, reklam və alqoritmlərin şəffaflığını artırmağa və istifadəçilərin, xüsusilə uşaqların hüquqlarını qorumağa məcbur edir.
Qanun 2024-cü ilin fevralından tam şəkildə qüvvədədir və 45 milyondan çox istifadəçisi olan böyük platformalar üçün daha ciddi tələblər qoyur.
Türkan İsgəndərli
