Venesuelada 177 məhbus azad edildi
Venesuelada 20 fevraldan etibarən “Demokratik birgəyaşayış haqqında” Amnistiya Qanununun qüvvəyə minməsindən sonra 177 məhbus azadlığa buraxılıb.
TodayPress TV xəbər verir ki, bu barədə "Venezolana de Television" məlumat yayıb.
Bildirilib ki, qanun sayəsində 177 nəfər azad edilib, 2021 nəfərin isə hüquqi məhdudiyyətləri tamamilə aradan qaldırılıb.
Qeyd edilib ki, 2025-ci ilin dekabrı və 2026-cı ilin yanvarında 800-dən çox məhbus sərbəst buraxılıb.
Xatırladaq ki, yanvarın sonunda Delsi Rodrigez milli barışıq və sülhün təşviqinə yönəlmiş ümumi əfv təşəbbüsünü elan edib. Qanun 1 yanvar 1999-cu ildən indiyədək olan dövrü əhatə edir.
Türkan İsgəndərli
