Venesuela ABŞ-yə iki cavab planı hazırladı
Venesuela ABŞ tərəfindən mümkün hücum halında iki fərqli cavab strategiyası hazırlayıb.
TodayPress TV xəbər verir ki, bu barədə məlumatı "Reuters" yayıb.
Məlumata görə, birinci plan ölkə daxilində partizan müqavimətinin təşkilini nəzərdə tutur. Bu strategiya çərçivəsində təxribat və digər partizan əməliyyatları aparmaq üçün 280-dən çox ərazidə kiçik hərbi dəstələrin yerləşdirilməsi planlaşdırılır.
Digər mümkün ssenari isə paytaxt Karakasda iğtişaşların yaradılması və təhlükəsizlik xidmətləri ilə hakim partiyanın silahlı tərəfdarlarından istifadə etməklə ölkənin "idarəolunmaz vəziyyətə" gətirilməsi nəzərdə tutulur.
ABŞ mediası son vaxtlar Vaşinqtonun Venesuela ərazisinə yaxın vaxtlarda zərbələr endirməyə başlaya biləcəyi barədə məlumatlar yayıb.
Türkan İsgəndərli
