Ukraynaya yardım təşəbbüsünə üç ölkə qoşuldu
Ukrayna Prezidenti Volodimir Zelenski bildirib ki, Kiprdə keçirilən Aİ sammiti zamanı NATO-nun PURL təşəbbüsünə üç ölkə qoşulub.
TodayPress TV xəbər verir ki, bu barədə “İnterfaks-Ukrayna” məlumat yayıb.
Onun sözlərinə görə, həmin ölkələrin adları məxfi saxlanılır. Bildirilib ki, bu ölkələr proqram çərçivəsində ümumilikdə 350-400 milyon avro həcmində vəsait ayırıb.
Zelenski qeyd edib ki, bu təşəbbüs Ukrayna Silahlı Qüvvələrinin prioritet ehtiyaclarını vaxtında təmin etmək üçün silahların alınmasına yönəlib.
O, daha əvvəl Almaniya ilə təxminən 4 milyard avro dəyərində silah tədarükünü nəzərdə tutan iri müqavilənin hazırlandığını da açıqlamışdı.
Türkan İsgəndərli
