Türkiyədə polis arvadını və vəzifəli şəxsi güllələdi
Türkiyənin Sakarya vilayətində təqaüddə olan polis məmuru həyat yoldaşını və Milliyətçi Hərəkat Partiyasının rayon təşkilatının rəhbərini güllələyib.
TodayPress TV bu barədə "İHA" agentliyinə istinadən xəbər verir.
Bildirilir ki, o, əvvəlcə evdə həyat yoldaşı ilə mübahisədən sonra silahından atəş açıb. Daha sonra Karapürçek rayonunda yerləşən ofislərdən birinə gedərək orada MHP-nin rayon təşkilatının rəhbəri Mustafa Hıraça atəş açıb.
Şübhəlinin atəş açdığı hər iki şəxs həlak olub. O, hadisədən sonra könüllü olaraq polis şöbəsinə gedərək təslim olub.
