Türkiyə Ermənistanla sərhəd məntəqəsini bu tarixdə açacaq
Türkiyə bu ayın sonuna qədər Ermənistanla sərhəd keçid məntəqəsini açmaq niyyətindədir.
TodayPress TV xəbər verir ki, İğdır vilayətinin Qaraqoyunlu rayonundakı Əlican və Ermənistanın Armavir vilayətindəki Marqara sərhəd keçid məntəqələrində işlər davam edir.
Türkiyə tərəfində gömrük və əlaqəli prosedurlar üçün binalar tikilir və Ermənistandan gələnlər üçün məlumat lövhələri quraşdırılıb ki, bu da onları İğdır və ətraf ərazilərə səfər etməyə istiqamətləndirir.
İğdır valisi Ercan Turan hazırlıqların davam etdiyini və planlara əsasən, hərbi məntəqənin köçürülməsindən sonra ərazi Ticarət Nazirliyinə təhvil verildikdən sonra keçid məntəqəsinin ayın sonuna qədər istifadəyə veriləcəyini bildirib.
