Texas "TP-Link"i məhkəməyə verdi
Texas Baş Prokuroru Ken Paxton router istehsalçısı "TP-Link"i istehlakçıları Çinlə əlaqələri barədə yanlış məlumatlandırmaqda ittiham edərək məhkəməyə verib.
TodayPress TV xəbər verir ki, iddiada şirkətin Çinin sponsorluğu ilə həyata keçirilən kibertəhdidlər və kəşfiyyat xidmətləri üçün açıq qapı olduğu bildirilir.
"TP-Link" Çində təsis edilsə də, son illərdə ölkədən uzaqlaşmağa çalışıb. 2018-ci ildə şirkət Vyetnamda istehsal müəssisəsi açıb, 2024-cü ildə isə qlobal qərargahını ABŞ-yə köçürərək "TP-Link Systems" şirkətini yaradıb. Brendin məhsulları Vyetnam istehsalı kimi satılır.
Lakin prokurorluq bildirir ki, cihazların demək olar ki, bütün komponentləri Çindən gəlir.
Türkan İsgəndərli
