Taylandda zooparkda şir sürüsü baxıcını parçaladı
Taylandda yerləşən zooparkda dəhşətli hadisə baş verib.
Şir sürüsü baxıcılardan birinə hücum edərək onu parçalayıb.
TodayPress TV xəbər verir ki, hadisə barədə "Mirror" nəşri məlumat yayıb.
Hadisə ziyarətçilərin şirləri maşınlarından izlədikləri açıq ərazidə baş verib. Şahidlərin sözlərinə görə, baxıcı cipdən düşdükdən sonra şirlərdən biri ona yavaşca yaxınlaşıb və qəfil hücum edib. Ardınca daha üç-dörd yırtıcı da hücuma qoşulub.
Park əməkdaşları hadisə yerinə silahlarla çatdıqdan sonra şirlər geri çəkilib. Yaralı baxıcı dərhal xəstəxanaya çatdırılsa da, həyatını xilas etmək mümkün olmayıb.
Hadisə ilə bağlı zoopark hələlik rəsmi açıqlama verməyib. Səlahiyyətli orqanlar araşdırmaya başlayıblar.
Türkan İsgəndərli
