“Qurani-Kərim”lə bağlı dediyi sözlərə görə haqqında araşdırma başlandı
Dünya futbolunun ulduzları Neymar və Lionel Messi Venesueladakı dağıdıcı zəlzələdən zərər çəkənlərə yardım işlərində iştirak ediblər və humanitar ehtiyaclara külli miqdarda pul köçürüblər.
TodayPress TV-ın xəbərinə görə, bu barədə "El Sumario" nəşri məlumat verib.
Braziliyalı futbolçu Neymar xilasetmə və humanitar əməliyyatları dəstəkləmək üçün 250 000 dollar köçürüb.
Vəsaitlər zərərçəkənlərin qida məhsulları, içməli su, dərmanlar və müvəqqəti yaşayış yeri ilə təmin edilmələrinə istifadə olunacaq. Lionel Messinin ailəsi də yardıma qoşulub. Oyunçunun şəxsi ianələrindən əlavə, onun həyat yoldaşı Antonella da ictimai ianə toplama tədbiri təşkil edib.
Hazırda kampaniya çərçivəsində artıq təxminən 5,4 milyon dollar toplanıb və bu məbləğ zərər çəkmiş bölgələrə dəstək üçün istifadə olunacaq.
Xatırladaq ki, iyunun 24-də axşam Venesuelada zəlzələ baş verib. Təxminən 40 saniyə fərqlə 7,2 və 7,5 bal gücündə iki yeraltı təkan seriyası qeydə alınıb. Onların episentrləri Yarakuy ştatında bir-birindən 10 kilometr aralıda yerləşib. Zəlzələdən sonra 214 afterşok qeydə alınıb.
