Pezeşkian: "İran və ABŞ arasında müzakirələr irəliyə doğru bir addım idi"
"Regionda dost ölkələrin əməkdaşlığı ilə təşkil olunan İran və ABŞ arasında müzakirələr irəliyə doğru bir addım idi".
TodayPress TV xəbər verir ki, bunu İran Prezidenti Məsud Pezeşkian “X” sosial şəbəkəsindəki hesabında yazıb.
Onun sözlərinə görə, məsələlərin dinc yolla həlli istiqamətində dialoq İranın həmişəki strategiyası olub.
Pezeşkian əlavə edib ki, İranın nüvə məsələsində məntiqi Nüvə Silahlarının Yayılmamasına dair Saziş (NPT) çərçivəsində qeyd olunan haqqıdır.
Qeyd edək ki, 6 fevralda İran və ABŞ arasında Omanın Məsqət şəhərində İranın nüvə proqramı ilə əlaqədar danışıqlar aparılıb. Tərəflər danışıqların davam etdirilməsi üzrə razılığa gəliblər.
Türkan İsgəndərli
