Pekin Aİ-nin 20-ci sanksiya paketinə qəti etirazını bildirdi
Pekin dəfələrlə etdiyi çıxışlara və etirazlara baxmayaraq, Avropa İttifaqının (Aİ) Çin şirkətlərini Rusiyaya qarşı 20-ci sanksiya paketinə daxil etmək qərarından qəti şəkildə narazıdır və buna qarşıdır.
TodayPress TV xəbər verir ki, bu barədə Ticarət Nazirliyinin sözçüsü məlumat verib.
Bildirilib ki, Çin dəfələrlə BMT-nin Təhlükəsizlik Şurasının icazəsi olmadan tətbiq edilən birtərəfli sanksiyalara qarşı qəti etirazını təsdiqləyib. Həmçinin Aİ-nin Çin şirkətləri və fərdləri üzərində uzunmüddətli yurisdiksiyasını qəti şəkildə rədd edib.
Sözçü qeyd edib ki, Aİ-nin bu addımı Çin və Aİ liderləri arasında əldə edilən konsensusun ruhuna ziddir və qarşılıqlı etimadı, ümumi Çin-Aİ münasibətlərini ciddi şəkildə sarsıdıb.
Rəsmi Pekin Aİ-ni Çin müəssisələrini və fərdlərini sanksiya siyahısından dərhal çıxarmağa, liderlərin konsensus ruhuna əməl etməyə, müvafiq narahatlıqları dialoq və məsləhətləşmələr yolu ilə həll etməyə çağırıb.
Aysel Mətləb
