Özbəkistan ordunu modernləşdirir
Özbəkistan Prezidenti Şavkat Mirziyoyev Silahlı Qüvvələrinin ordusunda döyüş və komandanlıq metodlarının modernləşdiriləcəyini elan edib.
TodayPress TV xəbər verir ki, bu barədə o, Vətən Müdafiəçiləri Günü münasibətilə təbrik çıxışında məlumat verib.
O bildirib ki, "Özbəkistan 2030" strategiyasının bir hissəsi olaraq ordunun döyüş qabiliyyəti gücləndirilir, komandanlıq və idarəetmə sistemi yenilənir, hərbi hazırlıq səviyyəsi artırılır, ölkə tədricən müasir silah və texnika ilə təchiz olunur.
Dövlət başçısı vurğulayıb ki, getdikcə daha da mürəkkəbləşən geosiyasi vəziyyət nəzərə alınmaqla, Özbəkistan yüksək ixtisaslı kadrların hazırlanmasına, mənəvi-psixoloji vəziyyətin yüksəldilməsinə və şəxsi heyətin fiziki hazırlığının artırılmasına diqqət yetirərək döyüş və hərbi komandanlıq metodlarını modernləşdirmək niyyətindədir.
Həmçinin orduda qabaqcıl informasiya texnologiyalarının və robot sistemlərinin tətbiqi də planlaşdırılır.
Aysel Mətləb
