Netanyahu: "Fələstin dövlətinin yaradılmasına yol verməyəcəyik"
İsrail Baş naziri Benyamin Netanyahu Fələstin dövlətinin yaradılmasına yol verməyəcəklərini bəyan edib.
TodayPress TV xəbər verir ki, bunu Benyamin Netanyahu Almaniya kansleri Fridrix Mertslə Qüdsdə birgə mətbuat konfransında deyib.
İsrail Baş naziri deyib ki, Fələstin dövlətinin yaradılması ilə bağlı məsələdə Fridrix Mertslə fikir ayrılıqları var:
"Aydındır ki, fərqli bir baxışımız var, çünki Fələstin dövlətinin məqsədi yeganə yəhudi dövlətini məhv etməkdir. Qəzzada artıq de-fakto bir dövlət mövcud olub və həmin ərazi İsrailə qarşı hücumlar üçün istifadə edilib. İsrail ərəb dövlətləri ilə daha geniş sülhə nail olmağın mümkün olduğuna inanır, həmçinin fələstinlilərlə real və uzunmüddətli sülhün də yolları mövcuddur. Lakin İsrail öz qapısında özünü məhv etməyə çalışan bir dövlətin yaranmasına icazə verməyəcək”.
