Nepalda musson fəsli 140 nəfərin həyatına son qoydu

Nepalda bu il 135 gün davam edən musson mövsümü ərzində yağıntıların səbəb olduğu təbii fəlakətlər nəticəsində 140 nəfər həlak olub.

TodayPress TV xəbər verir ki, bu barədə ölkənin Milli Fövqəladə Halların İdarə Edilməsi və Risklərin Azaldılması İdarəsinin hesabatında qeyd olunur.

Məlumata görə, 1 454 hadisə qeydə alınıb, 30 nəfər itkin düşüb, 300 nəfər isə xəsarət alıb.

Ən çox insan itkisinə torpaq sürüşmələri səbəb olub — 67 nəfər. Daha sonra daşqınlar (37 nəfər) və ildırım vurması (29 nəfər) gəlir. Ümumilikdə, mayın 29-dan oktyabrın 10-dək davam edən musson dövründə 5 995 ailə müxtəlif təbii fəlakətlərdən zərər çəkib.

Hesabatda əlavə olunub ki, həmin dövrdə yanğınlar və ilan sancması kimi digər fəlakətlər nəticəsində daha 120 nəfər həlak olub, 622 nəfər isə yaralanıb.

Qiymət Mahir