Meksikada daşqın və leysan fəlakəti- Ölənlərin sayı 72-yə yüksəldi
Meksikada güclü leysan yağışlarının səbəb olduğu daşqınlar nəticəsində ölənlərin sayı 72 nəfərə çatıb.
TodayPress TV xəbər verir ki, əvvəlki məlumatlarda bu göstəricinin 70 nəfər olduğu bildirilirdi.
Ən çox itki Verakrus ştatında qeydə alınıb – burada 32 nəfərin həyatına son qoyub. İdalqo ştatında 21, Puebla ştatında 18, Keretaro ştatında isə 1 nəfər dünyasını dəyişib. Bununla yanaşı, 48 nəfərin taleyi hələlik məlum deyil.
Rəsmi qurumların məlumatına görə, fəlakətdən ən çox ölkənin cənub və mərkəzi hissələri zərər görüb. Hazırda axtarış-xilasetmə işləri və zərərçəkənlərə yardım tədbirləri davam etdirilir.
Aynur TAC
