Marsın dərinliklərində qədim toqquşmaların izləri tapıldı

İngiltərədəki "Imperial College" London alimləri Marsda qeydə alınan zəlzələ və meteorit zərbələrinin məlumatlarını araşdırıb.

TodayPress TV xəbər verir ki, tədqiqat “Science” jurnalında dərc olunub.

Tədqiqat nəticəsində planetin mantosunda 4 kilometrə qədər uzanan iri qaya parçaları aşkar edilib. Bu qalıqlar Günəş Sisteminin ilk 100 milyon ilində baş verən güclü kosmik toqquşmalardan qalıb.

Alimlər bildirirlər ki, həmin dövrdə Marsın qabığı parçalanaraq böyük magma okeanları yaranıb, soyuma nəticəsində müxtəlif tərkibli qayalar mantoda qalıb. Yerdə bu cür izlər plitə tektonikası ilə yox olub, Marsda isə sabit qabıq sayəsində qorunub saxlanılıb.

Qiymət Mahir