Kobaxidze bəzi qurumları ittiham etdi: “Xəyanət formulu işə düşüb”
Gürcüstan xalqına və hökumətinə qarşı yeni hücum dalğası başlayıb.
TodayPress TV xəbər verir ki, bunu ölkənin Baş naziri İrakli Kobaxidze jurnalistlərə açıqlamasında deyib.
O, bildirib ki, bəzi qurumlar prosesdə birbaşa iştirak edir. "Gürcüstan xalqına, ölkəmizə və hökumətimizə qarşı yeni kiçik hücum dalğası başlayıb. Xəyanət formulu olan Giorgi Kandelaki də daxil olmaqla, qurumlar bu işdə birbaşa iştirak edirlər", - İ.Kobaxidze deyib.
Hökumət başçısı əlavə edib ki, həmin şəxslərin həm keçmiş fəaliyyəti, həm də hazırkı addımları məlumdur.
"Biz onların keçmiş fəaliyyətlərini və bu gün nə etdiklərini bilirik. Bu faktlarla bağlı hüquqi tədbirlərin görülməsi məsələsi müvafiq dövlət qurumlarının səlahiyyətindədir", - Baş nazir əlavə edib.
