İtaliya ABŞ-yə bazalarla bağlı qadağa qoymadığını elan etdi
İtaliyanın Amerika qoşunları üçün öz bazalarından istifadəni dayandırmaq qərarına gəlməsi ilə bağlı məlumatlar həqiqəti əks etdirmir.
TodayPress TV xəbər verir ki, bu barədə İtaliyanın müdafiə naziri Qvido Krosetto bəyanat yayıb.
"Bazalar fəaliyyət göstərir və əvvəlki kimi istifadə olunur, heç nə dəyişməyib. Bir daha vurğulamaq istəyirəm ki, Birləşmiş Ştatlarla münasibətlərdə hər hansı düşmənçilik və ya gərginlik yoxdur. Onlar 1954-cü ildən bəri İtaliyadakı mövcudluğunu tənzimləyən qaydaları bizimlə eyni dərəcədə yaxşı bilirlər", - deyə nazir qeyd edib.
Xatırladaq ki, daha əvvəl İtaliyanın ABŞ-yə Siciliyadakı hərbi bazasından istifadə etməyə icazə vermədiyi barədə iddialar yayılmışdı.
Aysel Mətləb
