İspaniya: Dünya yenidən pandemiya ilə üzləşəcək
İspaniyanın Səhiyyə Nazirliyinin epidemioloqu Fernando Saymon bildirib ki, dünya gələcəkdə yeni pandemiya ilə üzləşəcək, lakin onun COVID-19 qədər dağıdıcı təsirə malik olmasına yol verilməməlidir.
TodayPress TV xəbər verir ki, o, bu barədə "El Periodico"ya deyib.
Onun sözlərinə görə, bunun nə vaxt olacağı məlum deyil. Ancaq növbəti pandemiyanın təsiri daha zəif olmalı, ictimaiyyətin risk qavrayışı eyni səviyyədə qalmalıdır.
Xatırladaq ki, COVID-19 pandemiyası ilə əlaqədar qlobal fövqəladə vəziyyət 2020-ci ilin yanvarından 2023-cü ilin mayına qədər qüvvədə olub. ÜST-ün məlumatına əsasən, 2025-ci ilin martına qədər dünyada 777 milyondan çox yoluxma və 7 milyonadək ölüm halı qeydə alınıb.
Türkan İsgəndərli
