İranda aksiyalar zamanı daha 3 nəfər öldü
İranda davam edən etirazlar fonunda ölənlərin sayı artıb.
TodayPress TV xəbər verir ki, bu barədə "Fars" agentliyi məlumat yayıb.
Elam vilayətinin Məlikşah şəhərində iğtişaşçılar polis idarələrindən birinə daxil olmağa cəhd göstəriblər. Nəticədə silahlı qarşıdurma baş verib və üç nəfər həlak olub.
"Mehr" Xəbər Agentliyi isə ölənlərdən birinin hüquq‑mühafizə orqanlarının əməkdaşı, digər iki nəfərin isə etirazçı olduğu məlumatını yayıb. Toqquşmalarda bir neçə nəfərin yaralandığı bildirilir.
