"İki sevda çəkənlərin cəzası var"- Şoyqu Ermənistana səsləndi
Rusiya Təhlükəsizlik Şurasının katibi Sergey Şoyqu Ermənistana üzvlüyü ilə bağlı seçim etməyi tövsiyə edib.
TodayPress TV xəbər verir ki, o, bu barədə jurnalistlərin sualına cavab verərkən danışıb.
“Belə məşhur Guberman şeiri var: "Eyni yerdə müxtəlif qatarlarda oturmaq olmaz. Ona görə də nəhayət sənə uyğun qatarı seçmək lazımdır. Ölkənə uyğun qatarı, xalqına uyğun qatarı", — deyə Şoyqu bildirib.
O, bu sözləri Ermənistanın KTMT-də üzvlüyü və Avrointeqrasiya planları haqqında suala cavab verərkən səsləndirib.
Şoyqu qeyd edib ki, Ermənistan hələ də KTMT-də qalır, lakin təşkilatın Təhlükəsizlik Şuraları Katibləri Komitəsinin bugünkü iclası yenidən Ереvan nümayəndələri olmadan keçib.
O, həmçinin Ermənistanın Qərb ölkələri ilə “sərt əl sıxışmalarından” sonra Rusiyanın Ermənistan sərhədlərində Avropa müşahidəçilərinin peyda olmasının səbəbini başa düşdüyünü vurğulayıb.
Şoyqu xatırladıb ki, Ermənistan Azərbaycanla sərhəddə rus müşahidəçilərindən imtina edib, əvəzində Avropa İttifaqı müşahidəçiləri gəlib. Əvvəlcə bu, “müvəqqəti” adlandırılıb, amma müddət uzadılıb.
Şoyqu Ermənistan rəhbərliyinin “təhdid mənbəyində” (red. Avropa İttifaqı) qorunma axtarmasını təəssüflə qarşıladığını əlavə edib.
Jalə Rövşən
