Fransada təyyarə qəzası: 11 nəfər öldü - FOTO
Fransanın şimal-şərqindəki Tomblen kommunasında göyərtəsində bir neçə sərnişin olan kiçik şəxsi təyyarə qəzaya uğrayıb.
TodayPress TV bu barədə "ici" radiostansiyasına istinadən xəbər verir.
Hadisə nəticəsində beş təlimatçı, beş həvəskar və pilot da daxil olmaqla 11 nəfər həlak olub. Qeyd olunur ki, onlar tandem şəklində paraşütlə tullanmağa hazırlaşırmışlar.
Qəza yerli vaxtla saat 11:00-da (Bakı vaxtı ilə 13:00-da - red.) baş verib. Hadisə yerinə xilasedicilər qrupu cəlb olunub.
