Fanatı türkiyəli reperə silahla hücum etdi
Türkiyənin Tekirdağ bölgəsinin Hayrabolu rayonunda təşkil olunan 33-cü Günəbaxan Festivalında səhnəyə çıxan məşhur reper Emirhan Çakal konsertdən sonra silahlı hücuma məruz qalıb.
TodayPress TV xəbər verir ki, bu barədə "Haber Global" məlumat yayıb.
Hadisə onun bir pərəstişkarının fotosunu çəkmək istəməsi və reperin bu istəyi rədd etməsi nəticəsində baş verib. O tüfənglə ayağından vurulub. Olay yerinə çoxsaylı polis cəlb olunub və ətrafda geniş təhlükəsizlik tədbirləri görülüb.
Məlumata görə, güllə sümüyə dəyib, buna görə də reper dərhal əməliyyat olunub. Hazırda onun müalicəsi davam edir.
Hadisəni törədən şəxs isə prokurorluqda dindirilib.
Töhfə Səməd
