Ermənistan sürətlə qocalır, kiçilir
Ermənistanda doğum göstəriciləri son illərdə azalmağa davam edir.
TodayPress TV xəbər verir ki, bunu Ermənistanın əmək və sosial məsələlər naziri Arsen Torosyan nazirlik yanında İctimai Şuranın iclasında bildirib.
"Armenpress" agentliyinin məlumatına görə, 2025-ci ildə ölkədə 32 042 uşaq doğulub. Bu göstərici 2024-cü ildə 33 593, 2023-cü ildə isə 36 590 olub.
Torosyan qeyd edib ki, doğum səviyyəsi ilə yanaşı, reproduktiv yaşda olan hər qadına düşən uşaq sayını göstərən məhsuldarlıq əmsalı da azalır.
Nazirin sözlərinə görə, nikah yaşı kimi bəzi amillərə dövlət birbaşa təsir göstərə bilməsə də, məhsuldarlıq əmsalının daha da aşağı düşməsi istənilən ölkə üçün ciddi problem yarada bilər.
O vurğulayıb ki, vəziyyətdən çıxış yolu ictimai düşüncənin dəyişdirilməsi və dövlət dəstəyi proqramları vasitəsilə doğumun stimullaşdırılmasından keçir.
Qiymət Mahir
