Ərdoğan Əlcəzair Prezidenti ilə telefon danışığı apardı
Türkiyə Prezidenti Rəcəb Tayyib Ərdoğan Əlcəzair Prezidenti Əbdülməcid Tebbun ilə telefon danışığı aparıb.
TodayPress TV xəbər verir ki, bu barədə Türkiyə Prezident Administrasiyasının Kommunikasiya İdarəsi məlumat yayıb.
Bildirilib ki, telefon danışığı zamanı Türkiyə-Əlcəzair ikitərəfli münasibətləri, eləcə də regional və qlobal proseslər müzakirə olunub.
Prezident Ərdoğan Türkiyə ilə Əlcəzair arasında əməkdaşlığın, xüsusilə ticarət, enerji və müdafiə sənayesi sahələrində daha da inkişaf etdirilməsi üçün işlərin davam etdiyini bildirib.
O qeyd edib ki, Türkiyə regionda və dünyada sülh və sabitliyin təmin olunması istiqamətində səylərini artıraraq davam etdirəcək.
Türkiyə lideri, həmçinin Əlcəzair Prezidenti və Əlcəzair xalqının Qurban bayramını təbrik edib.
Aysel Mətləb
