Bu ölkələr Ukraynada hərbi mərkəzlər tikəcək
Böyük Britaniya və Fransa Ukraynada hərbi mərkəzlər yaratmaq, eləcə də silah və hərbi texnika üçün anbarlar tikmək niyyətindədir.
TodayPress TV xəbər verir ki, bu barədə Böyük Britaniyanın Baş naziri Kir Starmer Parisdə keçirilən “İstəklilər koalisiyası”nın iclasından sonra təşkil olunan mətbuat konfransında məlumat verib.
“Atəşkəsdən sonra Böyük Britaniya və Fransanın Ukraynada hərbi mərkəzlər quracağını, həmçinin Ukraynanın müdafiə ehtiyaclarını ödəmək məqsədilə silah və hərbi texnika üçün təhlükəsiz obyektlər inşa edəcəyini elan edə bilərəm”, – deyə o bildirib.
