Britaniyada vərəmə yoluxma halları artır
Böyük Britaniyada 2025-ci ildə vərəmə yoluxma hallarında kəskin artım qeydə alınıb.
TodayPress TV xəbər verir ki, bu barədə The Daily Express nəşri ölkənin Səhiyyə Təhlükəsizliyi Agentliyinin (UKHSA) məlumatlarına istinadən məlumat yayıb.
Məlumata görə, son bir neçə ildə vərəmə yoluxanların sayı əhəmiyyətli dərəcədə çoxalıb. Təkcə 2025-ci ildə ölkə üzrə 5 424 yoluxma halı aşkarlanıb ki, bu da 2022-ci illə müqayisədə 25 faiz artım deməkdir.
Ən yüksək yoluxma göstəriciləri Böyük Britaniyanın şimal-şərq bölgəsində qeydə alınıb.
Məqalədə qeyd olunur ki, vərəmin müasir forması ağciyərləri daha sürətlə zədələyir və bu da xəstəliyin daha təhlükəli olmasına səbəb olur.
Türkan İsgəndərli
