Bağdaddakı ABŞ hərbi bazasına hücum oldu
İraqın paytaxtı Bağdadda yerləşən ABŞ hərbi bazasına pilotsuz təyyarə hücumu nəticəsində yanğın baş verib.
TodayPress TV xəbər verir ki, bu barədə İranın “Press TV” telekanalı məlumat yayıb.
Məlumata əsasən, hücum “Viktoriya” adlı hərbi bazaya edilib. Hadisə ilə bağlı əlavə məlumat verilməyib.
Bundan əvvəl, İrana məxsus pilotsuz təyyarələr İraqın “Ərbil” şəhərində yerləşən ABŞ hərbi bazasına hücum edib.
Xatırladaq ki, fevralın 28-də ABŞ “İsrail”lə birlikdə İrana qarşı hərbi əməliyyatlara başlayıb. “Ağ Ev” bu addımı Tehranın nüvə proqramından imtina etməməsi ilə bağlı “tükənmiş səbir”lə əlaqələndirib.
Türkan İsgəndərli
