Arsenyan İrəvanda - Rusiya erməni səfiri qovub?
Ermənistanın Rusiyadakı səfiri Qurgen Arsenyan məzuniyyət götürərək İrəvana qayıdıb.
TodayPress TV xəbər verir ki, bu barədə o, yerli mediaya bildirib.
“Məzuniyyətdəyəm, Ermənistandayam, dünən gəlmişəm. Keçən ilki məzuniyyətimi istifadə etmək qərarına gəlmişəm”, - Arsenyan qeyd edib.
Xatırladaq ki, Qurgen Arsenyan bir neçə gün əvvəl Rusiya Xarici İşlər Nazirliyinə çağırılıb. Ukrayna Prezidenti Vladimir Zelenskinin Avropa Siyasi Birliyinin İrəvanda keçirilən sammitində Rusiya əleyhinə sərt bəyanatlar verməsinə görə onunla sərt söhbətin aparıldığı bildirib.
