Arşak Xaçatryanın həbsi qüvvədə qaldı
Ermənistan Apelyasiya Məhkəməsi arxiyepiskop Arşak Xaçatryanın məhkəməyəqədər həbs qətimkan tədbirini qüvvədə saxlayıb.
TodayPress TV "Sputnik Ermənistan"a istinadən xəbər verir ki, Xaçatryan 2025-ci ilin dekabrında bir qrup şəxslə birlikdə narkotik qaçaqmalçılığı ittihamı ilə həbs olunub.
Onun müdafiəsi ittihamları əsassız hesab edir.
5 dekabr 2025-ci ildə İerevan məhkəməsi arxiyepiskopu iki aylıq həbs cəzasına məhkum etmişdi. Ermənistan hakimiyyəti ilə Erməni Apostol Kilsəsi arasındakı qarşıdurma Baş nazir Nikol Paşinyanın ruhanilərə qarşı sərt çıxışlarından və katolikosun seçilməsi prosedurunu dəyişdirmək təşəbbüsündən sonra daha da gərginləşib. Bu fonada bir neçə iyerarx əvvəllər müxtəlif ittihamlarla həbs olunmuşdu.
Qeyd edək ki, Ermənistanda son vaxtlar Kilsə və hökumət arasında gərginlik sosial mediada yayılan bəyanatlar və katolikos II Kareginə qarşı tənqidlər fonunda artıb. Xaçatryan və digər iyerarxlar bəzi ittihamlara görə ictimai müzakirələrdə yer alıblar, lakin arxiyepiskop iddiaları rədd edir.
Jalə Rövşən
