Aİ Xarici İşlər Nazirləri Gürcüstandakı vəziyyəti müzakirə edəcəklər
Avropa İttifaqı (Aİ) Xarici İşlər Nazirlərinin aprelin 21-də keçiriləcək iclasında bir sıra məsələlər, o cümlədən Gürcüstandakı mövcud vəziyyət də müzakirə ediləcək.
TodayPress TV xəbər verir ki, bu barədə nazirlərin görüşünün gündəliyində qeyd olunub.
Sənədə əsasən, nazirlər İrəvan şəhərində keçirilməsi planlaşdırılan Avropa Siyasi Birliyi sammiti öncəsi Cənubi Qafqazdakı vəziyyət ətrafında fikir mübadiləsi aparacaqlar.
Müzakirələr zamanı xüsusilə Ermənistan-Azərbaycan münasibətləri və Gürcüstandakı proseslər diqqət mərkəzində olacaq.
Bununla yanaşı, iclasda Rusiya-Ukrayna müharibəsi, Yaxın Şərqdəki vəziyyət və Sudanla bağlı məsələlər də müzakirə ediləcək.
