ABŞ konqresi Trampa qarşı çıxdı

ABŞ Nümayəndələr Palatası Prezident Donald Trampın İrana qarşı hərbi əməliyyatlarını məhdudlaşdıran mühüm qətnaməni qəbul edib.

TodayPress TV xəbər verir ki, qətnaməyə əsasən, Tramp Konqresin icazəsi olmadan İrana qarşı hərbi əməliyyatları davam etdirə bilməyəcək.

Sənəd ABŞ qoşunlarının İrandakı hərbi əməliyyatlarını dayandırmağı tələb edir, əgər Konqres müharibə elan etməsə və ya xüsusi icazə verməsə.

Səsvermədə 215 deputat lehinə, 208 deputat əleyhinə səs verib. Dörd respublikaçı millət vəkili demokratlarla birlikdə qətnaməni dəstəkləyib. Bu, Trampın siyasətinə qarşı nadir ikipartiyalı etiraz kimi qiymətləndirilir.

Qeyd edək ki, qətnamə simvolik xarakter daşıyır və Tramp tərəfindən veto oluna bilər. Həmçinin Senatda təsdiqlənməsi də çətin görünür. Müharibə artıq üç aydan çoxdur davam edir və ABŞ-də müharibəyə qarşı ictimai narazılıq artıb.

Türkan İsgəndərli