UEFA “Fənərbaxça”nı cərimələdi
UEFA “Fənərbaxça” klubunu maliyyə qaydalarını pozduğuna görə cərimələyib.
TodayPress TV xəbər verir ki, İstanbul təmsilçisinə 7 milyon avro məbləğində pul cəzası kəsilib.
Buna səbəb klubun 2025-ci il üzrə heyət xərclərinin UEFA-nın müəyyən etdiyi həddi aşması olub.
Bildirilir ki, “Fənərbaxça” heyət xərcləri nisbətini 70 faizdən yuxarı göstərərək UEFA-nın heyət xərcləri qaydasını pozub.
Qeyd edək ki, UEFA-nın maliyyə davamlılığı qaydalarına əsasən, klubların heyət xərclərinin gəlirlərə nisbəti müəyyən olunmuş həddi keçməməlidir.
2025-ci il üçün bu limit 70 faiz təşkil edir.
