Veteran cüdoçular mundialı altı medalla bitirdilər
Fransada keçirilən cüdo üzrə veteranlar arasında dünya çempionatında kişi komandamız çıxışını başa vurub.
TodayPress TV xəbər verir ki, Paris turnirində son olaraq usta cüdoçumuz Fərhad Rəcəbli (90 kq) fəxri kürsüyə qalxıb.
M8 yaş kateqoriyasında yarışan cüdoçumuz mundialın gümüş medalına layiq görülüb.
Xatırladaq ki, daha əvvəl Mövlud Mirəliyev (M5,100 kq) dünya çempionatının qızıl medalını qazanıb. Milli üzvlərindən Qurban Məmmədli (M2, +100 kq), Vüqar Babayev (M3, 66 kq), Zaur Bağırov (M4, +100 kq) və Azər Əsgərov (M6, 100 kq) isə bürünc medala sahib çıxıblar.
Komandamız dünya çempionatını 1 qızıl, 1 gümüş və 4 bürünc olmaqla, ümumilikdə 6 medalla tamamlayıb.
Namiq HUN
