"Qarabağ" Bruno Lanqanı transfer etdi
"Qarabağ" daha bir futbolçunun transferini reallaşdırıb.
TodayPress TV Ağdam klubunun mətbuat xidmətinə istinadən xəbər verir ki, Mozambikli müdafiəçi Bruno Lanqanın transferi ilə bağlı İspaniyanın "Almeriya" klubu ilə aparılan danışıqlar uğurla yekunlaşıb.
Futbolçu ilə 3 illik müqavilə imzalanıb.
28 yaşlı sol cinah oyunçusu 2029-cu ilin yayına qədər "Qarabağ"da çıxış edəcək. O, komandamızda 5 nömrəli formanı geyinəcək.
O, bu ilin ilk yarısını icarə əsasında Portuqaliya komandası "Eştrela"da keçirib.
Lanqa karyerası ərzində ölkəsində "Blek Bullz", "Maşakene", Portuqaliyada "Amora", "Vitoriya", "Şaveş", "Eştrela", Kiprdə "Pafos" və İspaniyada "Almeriya" klublarının formasını geyinib.
Lanqa 2021-ci ildən indiyə qədər Mozambik millisinin heyətində 37 oyun keçirib, 1 qol vurub, 6 məhsuldar ötürmə verib.
Qeyd edək ki, Bruno Lanqa yay transfer pəncərəsində komandamızın dördüncü transferidir. Daha əvvəl Jali Mauddib, Zakaria Savo və Samuel Lobato "Qarabağ"a qoşulub.
