Premyer Liqa qayıdır: futbol həyəcanı yenidən başlayır!
Bu gün futbol üzrə Azərbaycan Premyer Liqasında XXVIII turun oyunlarına start veriləcək.
TodayPress TV xəbər verir ki, ilk oyun günündə iki qarşılaşma baş tutacaq.
Əvvəlcə Araz-Naxçıvan öz meydanında Turan Tovuz komandasını qəbul edəcək. Bu komandaların ilk dövrədəki görüşündə Naxçıvan təmsilçisi 2:1 hesablı qələbə qazanıb. İkinci dövrənin matçı isə 1:1 hesablı heç-heçə ilə başa çatıb.
Günün ikinci oyununda Neftçi Zirə ilə üz-üzə gələcək. Bu komandaların cari mövsümdəki ilk iki qarşılaşmasında qalib müəyyənləşməyib – 2:2 və 0:0.
Namiq HUN
