“Neradzurra”ya ağır zərbə – Lider hücumçu sıradan çıxdı
İtaliyanın “İnter” klubunun futbolçusu Lautaro Martines zədə səbəbindən dörd həftə ərzində “neradzurra”ya kömək edə bilməyəcək.
TodayPress TV xəbər verir ki, bu barədə klubun mətbuat xidməti məlumat yayıb.
Həkim müayinəsindən sonra 28 yaşlı argentinalı hücumçunun baldır əzələsində dartılma aşkarlanıb.
Qeyd edək ki, Lautaro Martines UEFA Çempionlar Liqası-nın pley-off mərhələsində Norveç təmsilçisi “Bodo-Qlimt” ilə matçda zədələnib.
Martinesin yoxluğu “İnter” üçün xüsusilə həlledici mərhələdə ciddi itki hesab olunur. Komandanın əsas qol silahı sayılan forvardın bərpa prosesinin plan üzrə getməsi gözlənilir.
Namiq HUN
