Neftçi ABŞ-dən olan basketbolçu ilə heyətini yenilədi
"Neftçi" basketbol komandası heyətinə yeni oyunçu qatıb.
TodayPress TV xəbər verir ki, bu barədə paytaxt təmsilçisi məlumat yayıb.
"Ağ-qaralar" ABŞ-dən olan müdafiəçi Cerod Robinson ilə müqavilə imzalayıb. 25 yaşlı basketbolçu cari mövsümün sonunadək "Neftçi"nin formasını geyinəcək.
Xatırladaq ki, Cerod Robinson ABŞ-nin tələbə liqasında (NCAA Division II) təmsil olunan "Shepherd University Rams" komandasının heyətində çıxış edib.
