Karlos Sayns “Uilyams”ın yeni FW48 bolidinin debütünü şərh etdi
“Uilyams” komandasının şərəfini qoruyan ispaniyalı “Formula-1” pilotu Karlos Sayns FW48 bolidinin ilk trek testinə münasibət bildirib.
TodayPress TV xəbər verir ki, Saynsın sözlərini PlanetF1 yayıb.
“Biz FW48 ilə ilk dövrələrimizi yenicə tamamladıq! Gün, sürücülər, mexaniklər və bütün komanda üçün həyəcanlı və xüsusi idi. Bolidin trekə çıxması hər kəsin böyük zəhmətinin nəticəsidir.
Silverstounda hava tipik qış şəraitində idi, buna görə əsas diqqəti ilk dövrələri yerinə yetirməyə və ilkin test proqramını başa çatdırmağa yönəltdik. Bir neçə gün sonra Bəhreynə yollanmağa hazırlaşırıq, orada daha geniş test proqramlarına başlayacağıq və bunu səbirsizliklə gözləyirəm”, - deyə Sayns bildirib.
Namiq HUN
