İspaniya yığmasının çalışdırıcısı IFFHS mükafatını qazandı
Beynəlxalq Futbol Tarixi və Statistikaları Federasiyası (IFFHS) milli komandalar üzrə 2025-ci ilin ən yaxşı baş məşqçisinin adını açıqlayıb.
TodayPress TV xəbər verir ki, sorğunun nəticələrinə əsasən baş mükafata 136 xalla İspaniya milli komandasının baş məşqçisi Luis de la Fuente layiq görülüb.
İkinci yeri 83 xalla Portuqaliya yığmasının çalışdırıcısı Roberto Martines, üçüncü pilləni isə 59 xalla Argentina milli komandasının baş məşqçisi Lionel Skaloni tutub.
Qeyd edək ki, IFFHS hər il milli komandalar və klublar üzrə ən yaxşı mütəxəssisləri səsvermə yolu ilə müəyyənləşdirir.
Namiq HUN
