Futbol tarixində nadir hal - 0 xallıq mövsüm!
İngiltərənin Çempionşip turnirində çıxış edən “Şeffild Uensdey” mövsümü 0 xalla başa vurub.
TodayPress TV xəbər verir ki, komanda sonuncu, 46-cı turda “Vest Bromviç Albion” üzərində 2:1 hesablı qələbə qazanaraq xallarını mənfi göstəricidən sıfıra yüksəldə bilib.
Daha əvvəl klub maliyyə qaydalarının pozulmasına görə 18 xal silinməsi ilə cəzalandırılmışdı. Dekabrın əvvəlində komandanın hesabında -10 xal var idi. Mövsümün son matçındakı qələbə sayəsində “Şeffild Uensdey” xallarını 0-a çatdırıb.
Komanda fevralın sonunda - mövsümün bitməsinə 13 tur qalmış liqanı tərk edib. Bu nəticə İngiltərə futbol liqaları tarixində ən uğursuz göstəricilərdən biri kimi qeydə alınıb.
Qeyd edək ki, “Şeffild Uensdey” tarixində 4 dəfə İngiltərə çempionu olub, 3 dəfə ölkə kubokunu qazanıb və həmçinin Liqa Kubokuna sahib çıxıb.
Namiq HUN
